IPL 2024 RCB vs PBKS : आयपीएल 2024 मध्ये आता प्रत्येक सामना प्ले ऑफच्या दृष्टीने महत्त्वाचा ठरणार आहे. 57 सामन्यानंतरही प्ले ऑफमध्ये अद्याप एकही संघ पोहोचलेला नाही. आता आरसीबी आणि पंजाब किंग्स आमने सामने आहेत. पॉईंटटेबलमध्ये रॉयल चॅलेंजर्स बंगळुरु सातव्या तर पंजाब किंग्स आठव्या स्थानावर आहेत. प्ले ऑफमध्ये पोहोचायचं असेल तर दोन्ही संघांसाठी हा सामना महत्त्वाचा आहे.
9 May 2024, 23:44 वाजता
IPL 2024 RCB vs PBKS Live Update :
पंजाब किंग्ससाठी रायली रोसोने 27 बॉलमध्ये 9 फोर आणि 3 सिक्सच्या मदतीने 61 धावांची खेळी केली. तर आरसीबीसाठी मोहम्मद शमीने 3 विकेट्स घेतल्या तर स्वप्निल सिंग, लॉकी फर्ग्युसन आणि करन शर्मा यांनी प्रत्येकी 2 विकेट्स घेतल्या.
9 May 2024, 23:42 वाजता
IPL 2024 RCB vs PBKS Live Update :
कोहलीच्या आरसीबीने आयपीएल हंगामातील 5 वा विजय मिळवला आहे. बंगळुरूने पंजाब किंग्जचा 60 धावांनी विजय मिळवला. तर दुसरीकडे पंजाब किंग्ज प्लेऑफमधून बाहेर पडली आहे. आरसीबीने सलग 4 था विजय मिळवला असल्याने अजूनही आरसीबी प्लेऑफच्या रेसमध्ये कायम आहे.
9 May 2024, 23:34 वाजता
पंजाबची मिडल ऑर्डर ढेपाळल्याचं पहायला मिळालं. ना शशांक चालला ना आशुतोष... आशुतोष शर्मा केवळ 8 धावा करून बाद झाला. कॅप्टन सॅम करनला देखील खास कामगिरी करता आली नाही.
9 May 2024, 22:54 वाजता
पंजाबला तिसरा धक्का बसला असून रायली रोसोची वादळी खेळी शांत झाली आहे. रायली रोसोने 27 बॉलमध्ये 9 फोर आणि 3 सिक्सच्या मदतीने 61 धावांची खेळी केली.
9 May 2024, 22:36 वाजता
पंजाबला दुसरा धक्का बसला आहे. जॉनी बेअरस्टो 27 धावा करून बाद झाला. त्याने 16 बॉलमध्ये 4 फोर आणि एक सिक्स खेचला. लॉकी फर्ग्युसनने त्याची विकेट घेतली.
9 May 2024, 22:07 वाजता
242 धावांचं आव्हान समोर ठेऊन खेळणाऱ्या पंजाबला पहिल्याच षटकात धक्का बसलाय. सलामीला आलेला प्रभसिमरन सहा धावा करुन बाद झाला. स्वप्नील सिंगने त्याला पॅव्हेलिअनचा रस्ता दाखवला
9 May 2024, 21:51 वाजता
IPL 2024 RCB vs PBKS Live Update
रॉयल चॅलेंजर्स बंगळुरुने पंजाब किंग्ससमोर विजयासाठी 242 धावांचं आव्हान ठेवलं आहे. बंगळुरुतर्फे विराट कोहलीने सर्वाधिक 92 धावा केल्या. तर रजत पाटीदारने 55 आणि कॅमेरुन ग्रीनने 46 धावा केल्या. पंजाबतर्फे हर्षल पटेलने सर्वाधिक 3 विकेट घेतल्या. तर युवा गोलंदाज कावेरप्पाने 2 विकेट घेतल्या.
9 May 2024, 21:34 वाजता
IPL 2024 RCB vs PBKS Live Update
रॉयल चॅलेंजर्स बंगळुरुला चौथा धक्का बसला आहे. विराट कोहली बाद झाला. विराटचं शतक अवघ्या 8 धावांनी हुकलं. विराटने 47 चेंडूत 92 धावा केल्या. यात त्याने 6 षटकार आणि 7 चौकारांची बरसात केली.
9 May 2024, 21:05 वाजता
IPL 2024 RCB vs PBKS Live Update
धर्मशालेत सुरु असलेला पंजाब वि. बंगळुरुचा सामना पावसाच्या व्यत्ययामुळे थांबवण्यात आला होता. त्यानंतर काही वेळाने पावसाने विश्रांती घेतली आणि पुन्हा खेळ सुरु करण्यात आला. मैदानावर फलंदाजीसाठी आलेल्या विराट कोहलीने शानदार अर्धशतक झळकावलं. यंदाच्या हंगामातील हे त्याचं पाचवं अर्धशतक ठरलंय.
9 May 2024, 20:33 वाजता
IPL 2024 RCB vs PBKS Live Update
धर्मशालेत सुरु असलेला पंजाब वि. बंगळुरुचा सामना पावसाच्या व्यत्ययामुळे थांबवण्यात आला आहे. धर्मशालेत चक्क गारांचा पाऊस पडतोय. मैदानावर मोठ्या मोठ्या गारा पडल्याचं दिसतंय. त्याधी बंगळरुने 10 षटकात 3 विकेट गवमात 119 धावा केल्या आहेत. विराट कोहली 43 नाबाद आहे. तर रजत पाटीदार 55 धावा करुन बाद झाला.
